الشيخ ابراهيم الديراوي

لا لا يمه اوداعت خالي اوداعت خوتكم ما ارجع

اوداعت جدنه و صندوگه الساج او نجمات البيه امرصع

اوداعت سجادت جدتنه و تربتها و محبسها اليلمع

اوداعت تفگت عمي السمره الما خانته ابشده و مفزع

اوداعت عودي و بشته البدري اليتردن بيه لمن يطلع

اوداعت گطرات المن صدرچ غذتني الغيره بيوم ارضع

اوداعت چف الشال المگوار ابساعتها و هد علمدفع

اوداعت گعدات امضايفنا و كل خيّر بيهن يتربع

اوداعت صوباط الديوان و حبه اليتناقه اويه المرفع

اوداعت هاونه و هوساته اليطرب ليهن لمن يسمع

اوداعت نخلات البلديره اتموت ابعزتها و ماتخضع

ازحف للموت اعله اركبي و لو جسمي اعله الحگ يتگطع

ماگولن آخ من اصوابي و عيب اترف اعيوني و تدمع

عندي النار احلي من الجنه بس لا دنگ بس لا اركع

 

حسن عاشور القنواتي

گلنه الهنه انته و بينت منته اهنه

تهنه و قدر بينه الوكت منتهنه

مو ماشي بدروب الفشل منتهنه

يمته و مثلنه بكل كتر تتعثر

اشكثر منك شفت يفراگ لوعات

اسلوبك لو طعن بالگلب لوعات

مو كافي و حتي الروح لوعات

مرامك و التريده صار بيه

 حسین العلی البدای

الناظر ما بچالك دمع بسماي

الك كوكب مديم ايلوح بسماي

بدل كل هاذ شاني ابتسم بسماي

حتي انسي الجري منك عليه

ناصر زرگاني

گدرت خصر اهواي دون الفتر دون

عوذته بالرحمان خوفي من العيون

 

كل يوم گلت هل يوم ياتون

الجفوني و خلفوا بحشاي ياتون

بعض وني الثواكل جمع ياتون

الفخر الها و يحگ اللوم بيه

 

 

اوداعه البريهي

حمام الدوح حني ماتحنّي

الظهر لو ما فراگه ماتحنّي

احلفت للموت چفي ماتحنّي

لما شخصك يرد سالم عليه

اوداعه البريهي

اوداعه البريهي حمام الدوح حني ماتحنّي الظهر لو ما فراگه ماتحنّي احلفت للموت چفي ماتحنّي لما شخصك يرد سالم عليه صد عينك الي يا خوي وربه و غدي گلبي عليك اثنعش وربه اطلبك من حليب اغذاك ورباك ومثل ماحنّت امّك حن عليه سيد مرتضي آلبوشوكة كل يوم اسدّي الغزل معجود يصبح غزل موال غنّي الدهر اطرب و غني غزل ألّمني طور الوكت و آنه سقيمي غزل عشت ابليالي غزل و ارياقي أصبح يمر بالدمعة اطفي الگلب بحشاي شبوا يمر و بيوم زرني الوكت محد عليه يمر تميت مثل الذي ظافر ابجسمه غزل جاسم الهليچي شاره الما تبّين بيه من يگصد مگامه ايزور يعري و يحتمل ينهان سيف الما يرد الزور ارضك عرضك ايگولون دگّلها ابعزم طنبور و گلها ابهل شارب مامونه حسين العلي البدّاي – الفلاحية أعيشن و أطمئن بيمن و يامن ياهو البي يثق گلبي و يامن كانون الدوه ابجوفي ويامن سعر بحشاي و اوير حيل بيه